اسلام آباد۔ 17 جنوری (اے پی پی) بنجائی وزیر حوالکاری و شینکاری چوہدری فواد حسین پارینے کہ حکومت سیاستی جماعت آتون گپ وتران خواہک، نن گچین کاری اصلاحات ، عدالت و احتساب نا نظام اٹی اصلاحات خوانہ، ہرااپوزیشن آن بیدس ممکن اف۔ ن لیگ و پیپلزپارٹی نا کرپٹ سرکڑدہ غاک تینا مقدمہ غاتیٹی ریلیف آن بیدس پین سرحال اسے آ گپ وتران کننگ خواپسہ۔ دوشنبے نادے آ تینا ٹویٹ اٹی اوپارے کہ اگہ ن لیگ شریف خاہوت آن تینے جتا کیک تو دا مثبت پیش رفت اس مریک، سیاسی جماعت آتے اخلاقی و مالی کرپشن نا گواچی سرکڑدہ غاتے بدل کننگ نا گرج ءِ۔ اوپارے کہ نوازشریف ہرمشکل وخت اٹی کارندہ غاتے تنیا ہلسا لندن اٹ پناہ گیر مس، داوڑنا لیڈر کن عزت سلپک۔