اسلام آباد۔ 17 جنوری (اے پی پی) این پی آئیز نا پوسکن آ سیٹ ءِ غٹ اسٹیک ہولڈر آتون سلابتی عمل آن پد بروک آ 48 گھنٹہ ٹی صوبہ غاتا کمک اٹ لاگو کننگک، تعلیمی ادارہ غاتا بارواٹ فیصلہ چندی ادارہ غاتا مثبت کیس آتا ڈیٹاغا کننگک۔ دوشنبے نادے آ نیشنل کمانڈ اینڈ آپریشن سینٹر(این سی او سی) نا سہب انا دیوان اٹی دینی مرض انا چارٹ انا حساب وکتاب ، کورونا نا برخلاف قومی ویکسین نا حکمت عملی و مچ آ ملک اٹی کورونا نا تالانی آ گپ وتران کننگا۔ این سی او سی دیوان نا کماشی ءِ بنجائی وزیر ڈٹ بندی، شونداری و خصوصی گام گیج اسد عمر و نیشنل کوآرڈنیٹر میجر جنرل محمد ظفراقبال ئسک کریر و وزیراعظم نا خصوصی کمکار جان جوڑی ڈاکٹر فیصل سلطان ہم ساڑی ئسک۔ صوبائی جان جوڑی نا وزیر آک و تعلیم ہم دیوان اٹی بشخ ہلکر و این سی او سی ءِ این پی آئیز نا نفاذ کن کروک آ گام گیج و کورونا دین انا کیس آتیٹی ودکی نا رداٹ ایس او پی تا بارواٹ پاریر۔ داکان بیدس اومیکرون دین انا جہانی و علاقائی رجحان تیا گپ وتران کننگا۔ کورونا دین انا پوسکن آ وڑ انا تالانی ءِ مون آ تخسا این پی آئیز نا تازہ سیٹ پیش کننگا و صوبہ غاتون گپ وتران کننگا و این پی آئیز نا پوسکن آ سیٹ ءِ غٹ اسٹیک ہولڈر آتون سلابتی عمل آن پد بروک آ 48 گھنٹہ ٹی صوبہ غاتا کمک اٹ لاگو کننگک۔ تعلیمی ادارہ غاتا بارواٹ فیصلہ چندی ادارہ غاتا مثبت کیس آتا ڈیٹاغا کننگک ہراڑکن تعلیمی ادارہ غاتیٹی بھلو کچ اسے آ ٹیسٹنگ کننگ انگ ءِ۔

متعلقہ مضامینمصنف کی طرف سے مزید