اسلام آباد۔ 17 جنوری (اے پی پی) وزیر خزانہ نا ترجمان مزمل اسلم پارینے کہ پاکستان تحریک انصاف نا حکومت پائیدار و سوگو زرگزران نا بنداو ءِ تخانے۔ تینا ٹویٹ آتیٹی اوپارے کہ چندی بشخ آتیٹی اصلاحات اٹی پائیدار نمو آ مبنی زرگزران نا بنداو ءِ تخنگانے ہرانا جہانی کہول آ اعتراف ءِ کننگ انگ ءِ۔ مزمل اسلم پارے کہ بلوم برگ نا رپورٹ نا رداٹ 2022اٹی پاکستان نا زرگزران نا نمو نا کچ 4.3 درسد وخت اس کہ مالی سال 2023اٹی 4.6 درسد مریک۔ اوبلوم برگ نا فہرست ءِ ہم تسنے ہرانا رداٹ کیہی ملک آتا شرح نمو 2022نا مقابلہ ٹی 2023اٹی کم مریک وخت اس کہ اوڑآن چپ پاکستان نا زرگزران نا نمو ٹی ودکی مریک۔ اوپارے کہ پاکستان تحریک انصاف نا حکومت الیکشن اٹ الس نا مون آ اسہ پائیدار زرگزران اس دیک کاہک۔