کراچی۔ 17 جنوری (اے پی پی) پاکستان تحریک انصاف (پی ٹی آئی) سندھ انا صدر و بنجائی وزیر بحری امور علی زیدی پارینے کہ 27 فروری آ ہرحال اٹ گھوٹکی آن کراچی آ مارچ کینہ، دا مارچ سندھ انا نابود حکمران تا ایوان اٹی ہلچل اس بش کیک۔ پی ٹی آئی نا کنڈآن جاری اعلامیہ نا رداٹ داخیال آتا درشانی ءِ او مسکوہی وزیراعلیٰ سندھ و پی ٹی آئی راہشون غوث علی شاہ تون اوڑدہی ٹی گپ وتران کرسا کرے۔ داوخت آ پی ٹی آئی سندھ انا جنرل سیکرٹری مبین جتوئی ہم ساڑی ئسک۔ اوڑدہی ٹی سندھ انا سیاسی حالیت آتیا سرجم گپ وتران کننگا۔ پی ٹی آئی سندھ انا صدر علی زیدی غوث علی شاہ ءِ گھوٹکی آن کراچی مارچ انا بابت سرجم آتیان معلومدار کرے۔ علی زیدی پارے کہ دا مارچ سندھ انا نابود حکمران تا ایوان اٹی ہلچل اس بش کیک، مون انگا بلدیاتی کانود نا چٹفنگ اسکان دا تحریک برجاسلک۔ اوپارے کہ پی ٹی آئی نا مچ آ سرکڑدہ غاک داتحریک اٹ اسہ پنہ غاٹو، سندھ حکومت نا مون آ کانود نا برخلاف ہر آپشن ءِ کاریم اٹ اتینہ۔ بنجائی وزیر بحری امور علی زیدی پارے کہ ننا جہد سندھ انا غریب الس کن ءِ، سندھ آن مافیاتا چٹفنگ اسکان صوبہ نا شونداری ممکن اف۔
