اسلام آباد۔ 17 جنوری (اے پی پی) بنجائی وزیر حوالکاری و شینکاری چوہدری فواد حسین سینئر اداکار رشید خان نا کزیت آ است ہسونی نا درشانی ءِ کرسا پارینے کہ رشید خان بے شمار فلم و ڈرامہ غاتیٹی اداکاری نا جوہر ءِ نشان تس، اوپشتو، ہندکو و اردود زبان نا ٹی وی ڈرامہ غاتیٹی شاندار ادارکاری آن مخلوق نا است ءِ کٹا۔ دوشنبے نادے آ تینا ہڑزخواہی بیان اٹی چوہدری فواد حسین پارے کہ رشید خان اداکاری ٹی یکتا ءُ ہند اس تخاکہ، اونا ڈرامہ غاک اینو ہم پنی ءُ، اونا کزیت آن شوبز انڈسٹری ٹی ودی مروک آ خلااسُل پُرمفک۔ اودعاکرے کہ اللہ تعالیٰ ایماندار رشید خان ءِ جنت الفردوس اٹ بڑزکو ہند اس و خاہوت ءِ صبر کننگ نا توفیق ایتے۔
