مارا درئی  جاور  ءُ جیڈھ آناں دیم ءَ کنان ءَ میاں  اوستمانی تک ءَ پٹ ءُ پول ءَ را  دیم ءَ آرگ  لوٹ ایت، وزیر ءِ درئی کار مخدوم شاہ محمود قریشی

اسلام آباد۔17جنوری  (اے پی پی):‏ وزیر ءِ درئی کار مخدوم  شاہ محمود قریشی ءَ گوشت کہ مارا  درئی  جاور ءُ جیڈھ آناں دیم ءَ ایر کنان ءَ  میاں اوستمانی تک ءَ پٹ ءُ پول ءَ را دیم ءَ  آرگ لوٹ ایت۔  اے گپ آئی ءَ دوشمبے ءَ  وزارت ءِ درئی کار ءَ انسٹیٹیوٹ  آف سٹریٹیجک سٹڈیز اسلام آباد ءُ انسٹیٹیوٹ آف ریجنل سٹڈیز ءِ  پٹ ءُ پولکار آں دیوان ءِ سروکی ءَ کنان ءَ کت۔ دیوان ءَ سپیشل سیکرٹری درئی کار رضا بشیر تارڈ، ڈائریکٹر جنرل (آئی ایس ایس آئی) ایمبیسڈر اعزاز چوہدری ءُ صدر انسٹیٹیوٹ آف ریجنل سٹڈیز، ایمبیسیڈر ندیم ریاض  ءُ وزارت درئی کار ءِ کلانہ ایں اپسرگ آں بھر زوری کت۔ دیوان ءِ  ساھت ءَ پڑ ءِ رابطہ آنی دیمروئی،  کوویڈ-19 ءَ چہ پد  مٹ بوھوکیں میاں اوستمانی  جاور ءُ سفارتی  رد ءَ  جیڈھ آناں باست ءُ واست بوت انت۔  وزیر ءِ درئی کار ءَ گوشت کہ مرچی اے مٹ بوھوکیں دمگی ءُ میاں اوستمانی  جاور ءُ جیڈھ آنی  تہ ءَ درئی پارلیشی آناں نوکیں رد ءَ  کنگ ءَ ، تھنک ٹینکس  ءِ کرد  باز ارزشتی انت۔ آئی ءَ گوشت   کہ مارا درئی  رد ءَ  جیڈھ آناں  دیم ءَ ایر کنان ءَ میاں اوستمانی تک ءَ پٹ ءُ پول ءَ را  سہرا  کنگ لوٹ ایت۔   مخدوم شاہ محمود قریشی ءَ گوشت کہ پاکستان ، مزن وزیر عمران خان ءِ وژن ءِ رد ءَ اقتصادی    ترجی داتگیں کار آنی سر ءَ دلگوش  انت۔  مخدوم شاہ  محمود قریشی  ءَ گوشت کہ  ما وتی پٹ ءُ پولی ادارگ آناں گیش برجا جوڑ  نگ ءُ نوکیں لوٹ آنی رد ءَ  کنگ ءِ واستہ ھمک رنگیں کوشست  ءُ آسراتی  کارمرز کنگ ءِ واستہ  جزمیگ انت۔