اسلام آباد۔16جنوری (اے پی پی):صدر مملکت ڈاکٹر عارف علوی ءَ فیڈرل بورڈ آف ریونیو ایف بی آر ءِ نیمگ ءَ 82 سالی ٹیکس دیوک ءِ گوما ناروائیں سلوک کنگ ءِ پد ءَ پہلی ءِ در شا ن ءَ کنان ءَ چیئرمین ایف بی آر ءَ را پنت ءُ شون کتگ کہ آ نہ وشیں ءُ کرپشن ءِ ھوالگ ءَ سرجمیں چار ءُ تپاسی بکنت ءُ اے رد ءَ گوں دست مانجیں کارندہ آنی ھلاپ ءَ کاروائی بکن ۔ یک شمبے ءِ روچ ءَ صد ر میڈیا کارگس ءِ نیمگ ءَ جاڑی بوتگیں پریس ریلیز ءِ رد ءَ صدر ءِ مملکت ءَ مزن امبریں سیٹیزن ءِ ھلاپ ءَ ایف بی آر ءِ پیسلہ ءِ سر ءَ “یلوئی” زرتگ ایشی ءِ اندر ءَ گیر ضلوریگیں بنیات ءَ 2333 کلدار ءِ واپس کنگ ءَ چہ مکن کتگ بوتگ ءُ یک سالے ءَ چہ گیش وھد ءَ گیر ضلوریگیں کانودی چارہ جوئی ءَ تیلانک داتگ بوتگ۔ مزن امبریں سیٹیزن عبدالحمید خان ءَ گوں پہلی لوٹاں ءَ صدر ءِ مملکت ءَ گوشتگ کہ ایف بی آر ء، نیمگ ءَ چہ آئی ءَ را رستگیں تکلیف ءِ پد ءَ مئے سر چہ شرم ءَ بہ جھک ات۔ صدر ءِ مملکت ءَ ایف بی ءِ چیئرمین ءَ را پنت ءُ شون کت کہ اے کیس ءَ را گوں جھلانک ءَ چار ءُ تپاسی گرگ بہ بیت۔
