اسلام آباد۔16جنوری  (اے پی پی): بنجاھی وزیر برائے سائنس ءُ ٹیکنالوجی سینیٹر سید شبلی فراز ءَ اقتصادی ءُ چاگردی دیمروئی ءِ واستہ سائنس ءُ ٹیکنالوجی ءِ شوبگ ءَ را نوکیں  لوٹ آنی رد ءَ کنگ    ءِ ضلورت ءِ  سر ءَ زور پر دیان ءَ گوشت کہ نوکیں انوویشن پالیسی ملک ءِ دیمروئی  ءِ ماسٹر پلان انت۔  ملک ایوک ءَ  ٹیکسٹائل ءِ بڈو بوت نہ  کنت، ملکی برآمدات آنی تہ ءَ سائنس ءُ ٹیکنالوجی ءِ بھر  ءَ را ودینگ  بیت۔ وزارت ءِ  سائنس ءُ ٹیکنالوجی ءِ  توامیں ادارگ آناں برجا جوڑ کنگ بوھگ ءَ انت  تانکہ آ وتی کار رپک آنی رد ءَ ملکی دیمروئی ءَ وتی  کرد ءَ پیلو  بکن انت۔ اسلام آباد ءِ آیوکیں بلدیاتی گچین کالری ءَ الیکٹرانک ووٹنگ مشین (ای وی ایم) ءِ کارمرزی  بیت۔ اے ھیالانی درشانی آئی ءَ راجی ھال رسانکی در  “اے پی پی” ءَ را ھاسیں گلگدارے دیان ءَ گوشت  ۔ آئی ءَ گوشت کہ کانود ءِ جوڑیشت ءَ چہ پد الیکشن  کمیشن آف پاکستان ءَ اے گپ ءِ    دل یکیمی ءِ درشان کت کہ آ بنجاھی دارالحکومت  ءِ بلدیاتی  گچین کاری  کوھنیں نظام ءِ مٹ ءَ  ای وی ایمز آنی وسیلگ ءَ  بنت۔ ملک ءِ دیمروئی سائنس ءُ ٹیکنالوجی ءِ دیمروئی ءُ انوویشن ءِ سر ءَ انت۔ پاکستان حلال اتھارٹی ءَ را برجا کنگ بوتگ۔ نیشنل انسٹی ٹیوٹ آف الیکٹرانکس این آئی ای ءَ را یک سالے ءِ اندر ءَ مالی رد   برجمیں ادارگ ءِ  جوڑ کنگ بیت۔