چار شریف سیاست ءَ چہ مائنس انت، اپریل ءَ چہ پد جاور جوان بنت، ءُ  اپوزیشن شکست وارت، حکومت وتی کانودی وھد ءَ را سرجم کنت، وزیر ءِ تہی کار شیخ رشید احمد

راولپنڈی ۔16جنوری  (اے پی پی): بنجاھی وزیر تہی کار  شیخ رشید احمد  ءَ گوشت کہ چاریں شریف سیاست ءَ چہ مائنس انت، ن لیگ  بزدل آنی  ٹولی انت، نواز شریف  نادراھی ءِ  ڈرامہ ءَ مہ کنت، ملک ءَ بہ ائیت ءُ سیاست بکنت، اپریل  ءَ چہ پد جاور شر ءُ جوان بنت،   ءُ اپوزیشن شکست وارت۔ حکومت  وتی کانودی وھد ءُ پاس ءَ سرجم کنت۔  اپوزیشن ھرچی  مرضی مار بکنت  اچ نہ بیت۔ اے گپ آئی ءَ  یک شمبے ءِ روچ ءَ راولپنڈی  ءَ مات ءُ  زھگ ہسپتال  ءِ  تر ءُ تاب ءِ ساھت ءَ میڈیا ءَ گوں تران کنان ءَ کت۔