ملتان۔16جنوری (اے پی پی): وزیر ءِ درئی کار مخدوم شاہ محمود قریشی ءَ گوشت کہ الس ءَ گوں نہ سستگ ءُ جتا نہ آں، الس ءِ پریشانی آنی احساس انت، الس ءِ گوما ھمبراہ داری کنگ ءِ کوشست ءَ کنگ ءَ آں۔ گران بھائی ءَ چہ شر سرپد آں۔ ایشی گر ءُ دار ءَ کنگ ءَ آں۔ کورونا ءِ سب ءَ گوستگیں دو سال ءَ چہ میاں اوستمانی معیشت ھم ڈکال ءِ آماچ انت۔ 2023 ءَ چہ پیسر گران بھائی ءِ جن ءَ را بوتل ءَ بند کناں۔ اے ھیالانی درشانی آئیءَ گوستگیں روچ گورنمنٹ پرائمری سکول اعوان پورہ ءِ مڈل سکول ءَ را اپ گریڈیشن ءُ این اے 156 ءِ جتا جتائیں یونیسن کونسل آنی مراگش ءَ گشتانک دیان ءَ کت۔ آئی ءَ تران کنان ءَ گوشت کہ سکی ادارُکی انت ، وطن ءَ گوں مہر ءُ محبت انت، وطن ءَ نندگی انت، ملک ءَ گوں وپا کنگ زاناں، ڈن ملک ءَ نہ یک فلیٹس ءِ است ءُ نہ یک اکاونٹس ءِ است انت ءُ نہ کہ ڈن ملک ءَ روگ ءِ پروگرام ءِ است انت۔ آئیءَ گوشت کہ اپوزیشن ھرچی توری مارچ بکنت ، شکست آوانی کسمت انت۔
