اسلام آباد۔15جنوری (اے پی پی): وزیر مملکت اھوالکاری ءُ شنگ کاری فرخ حبیب ءَ گوشت کہ گوستگیں وھد ءَ ورنا آناں سیاسی رشوت ءِ پروگرام بندات کنگ بوتگ، نواز شریف ءُ شہباز شریف زاتی گپ ءُ بٹاک جنت، عثمان ڈر ءِ شگر ءُ منت وار آں کہ آئی ءَ ورنا آناں رشوت ءِ پروگرامز آں چہ در کتگ۔ 40 ارب کلدار ءِ وام ورنا آنی وستہ منظور کنگ بوتگ۔ اے ھیالانی ردرشانی آئی ءَ شمبے ءِ روچ ءَ مزن وزیر ءِ ھاسیں کمکار برائے ورنا آنی کار عثمان ڈار ءِ ھمبراھ پریس کانفرنس ءَ گوں گشتانک دیان ءَ کت۔ وزیر ءِ مملکت اھولکاری ءُ شنگ کاری ءَ گوشت کہ گوستگیں وھد ءَ ن لیگ ءَ ورنا آنی نام ءَ ھما پروگرام بندات کتگ انت آ ایوک ءَ زات ءِ واستہ بوتگ انت۔ آئی ءَ گوشت کہ پرائم منسٹر لون پروگرام ءِ سروک ھم مریم نواز ءَ را جوڑ کتگ بوتگ۔ وزیر ءِ مملکت ءَ گوشت ن لیگ ءَ اے پروگرام ءِ چیر دستی ءَ ایوک ءَ 26 ارب کلدار بھر ءُ بانگ کتگ، ایوک ءَ کامیات ورنا پروگرام ءِ سیم سر 50 ارب کلدار ءَ چہ ودیناں۔ وزیر ءِ مملکت ءَ گوشت کہ گوستگیں ورنا آنی واستہ سیاسی رشوت ءِ ھما پروگرام بندات کتگ ایشاں چہ ورنا آناں اچ سیت نہ رستگ۔ فرخ حبیب ءَ گوشت کہ سرجمیں ملک ءَ ٹیلنٹ ہنٹ پرگرام ھم جاڑی انت۔
