اسلام آباد۔15جنوری (اے پی پی):پاکستان ءِ سول ایوی ایشن اتھارٹی پی سی اے اے ءَ شمبے ءِ روچ ءَ نیشنل کمانڈ اینڈ آپریشن سینٹر ایس سی او سی ءِ پنت ءُ شون ءِ رد ءَ دو شمبے ءَ 17 جنوری ءَ چہ بالی جہاز ءِ تہ ءَ وردن ءُ وراک پجاری کنگ ءِ سر ءَ بندش جتگ تانکہ کورونا وائرس ءِ نوکیں نمونگ اومیکرون ءِ شنگ ءُ تالان ءَ را گر ءُ دار کنگ بہ بیت۔ سرجمیں ملک ءَ اومیکرون ءِ گیش بوھوکیں کیس آنی رد ءَ نی نیشنل کمانڈ اینڈ آپریشن سنٹر ءَ 17 جنوری ءَ چہ ملکی بالی جہاز ءُ پبلک ٹرانسپورٹ ءِ تہ ءَ وردن ءُ وراک، ناشتہ ءِ سر ءَ بندش جتگ۔
