اسلام آباد۔14جنوری (اے پی پی):ایوان صدر ءِ ٹوھیں مسیت ءَ چہ عالم آں چاگردی زمہ واری آنی بن گپ ءِ سر ءَ آدینگ ءِ روچ ءَ گشتانک دات ایشرا یک شل ءَ شنگ کنگ بوت۔ صدر مملکت ڈاکٹر عارف علوی ءُ ایوان ءِ صدر ءِ کارندہ آں آدینگ ءِ روچ ءَ جمعہ ءِ نماز ونت۔ خطیب فیصل مسجد ڈاکٹر قاری ضیاء الرحمن ءَ خطبہ ونت۔ قرآن ءُ سنت ءِ رد ءَ عالم آں چاگردی زمہ واری آنی ارزشت ءِ بابت ءَ تران کت۔ آئی ءَ اسلامی تاریخی ءِ رد ءَ دین اسلام ءُ عالم آنی چاگردی زمہ واری آنی ھوالگ ءَ ھیال آنی درشانی ءَ کنان گوشت کہ عالم دین ءِ بابت ءَ زانت کاری پیدا کنگ ءُ ایشی ءِ گیش گہتری ءِ بابت ءَ سرپدی دیگ آوانی زمہ واری انت۔ آدینگ ءِ روچ چاگرد ءُ مردم ءُ الس آنی گہبود ءِ روچ انت۔ یات دارگ بہ بیت کہ صدر مملکت ڈاکٹر عارف علوی ءِ پنت ءُ شونگ ءِ پد ءَ مردم آنی سروکی ءِ واستہ ایوان ءِ صدر ءِ ٹوھیں مست ءَ چہ خطبہ ءَ را یک شلی ءَ شنگ ءُ تالان کنگ ءِ رچ ءِ بندات کنگ بوت۔
