اسلام آباد۔14جنوری (اے پی پی): مزن وزیر عمران خان ءَ اولی راجی سلامتی پالیسی ءِ السی وژن ءِ بندات کتگ، اے ھوالگ ءَ آدینگ ءِ روچ ءَ مزن وزیر کارگس ءَ یک پر مڈائیں دیوان ءِ برجم دارگ بوت۔ مراگش ءَ بنجاھی وزیر ، راجی سلامتی ءِ مشیر ، باسک پارلیمنٹ ، چیئرمین جوائنٹ چیف آف سٹاف کمیٹی، توامیں سروسز چیفس، کلانہ ایں اردی ءُ سول کارندہ، شاہوکار، تھنک ٹینکس، میڈیا ءُ سول سوسائٹی ءَ گوں سیادی داروکیں مردم آں بھر زوری کت۔ مزن وزیر عمران خان ءَ وتی کلیتی گشتانک ءَ وتی حکومت ءِ راجی سلامتی پالیشی ءِ جوڑیشت ءَ را کامیاتیں گامگیج آناں سہرا کت۔ مزن وزیر عمران خان ءَ گوشت کہ راجی سلامتی پالیشی اے حکومت آنی اولی ترجی بوتگ، مزن وزیر ءَ اے سئن سیم سر آناں در جنگ ءِ پد ءَ راجی سلامتی ءِ مشیر ءُ ایشانی ٹیمب آناں مبارک بات دات۔ آئی ءَ پالیشی ءِ کامیاتیں عمل در آمد ءِ ارزشت ءَ را سہرا کت ءُ جار جت کہ راجی سلامتی کمیٹی یک شلی ءَ چہ اے دیمروئی گامگیج آنی سر ءَ چار ءُ تپاسی گپت۔ مزن وزیر ءَ سہرا کت کہ راجی سلامتی پالیشی 2022-2026 ءِ چپ ءُ چاگرد حکومت ءِ وژن انت ایش دل یکیم انت کہ ملکی سلامتی ءِ سبب شہر آنی سلامتی ءِ کوپگ ءَ انت۔ آئی ءَ گوشت کہ یکوئی ءُ مردم آناں وشھالی ءِ گامگیج آنی تہ ءَ ھوار کنگ لوٹ ایت وھدیکہ درستانی بنیاتی ھک ءُ چاگردی انصاف ءِ زامن بہ بیت۔ آئی ءَ گوشت کہ وتی شہر آنی پراھ ءُ شاھیگانیں ازم ءَ چہ سیت چست کنگ ءِ واستہ جوانیں ڈسپلین آناں دیمروئی دیگ المی انت۔ راجی سلامتی ءِ مشیر ڈاکٹر معید یوسف ءَ ھیال آنی درشانی ءَ کنان ءَ ر اجی سلامتی پالیسی ءِ وژن ءَ را سرجمی ءَ بیان کت۔ آئی ءَ گوشت کہ یک شلیں کمک پد ءَ مزن وزیر عمران خان ءُ توامیں کارندہ آنی شگر ءُ منت وار ی گپت۔ آئی ءَ گوشت کہ راجی سلامتی پالیسی مئے سلامتی ءِ سر ءَ سہرا بوھوکیں روایتی ءُ گیر روایتی جیڈ ھ آنی دراج بریں رد ءَ جوڑ کنگ بوتگ۔ راجی سلامتی ءَ معاشی سلامتی، جیو سٹریٹجک ءُ جیو پولیٹیکل فیز آنی بنجاہ انت ایشی ءِ تہ ءَ پاکستان ءِ سلامتی ءِ برجائی ءُ دگنیا ءَ جوانیں بستار ءِ در جنگ جوانیں ارزشت ات۔ آئی ءَ گوشت کہ اے مسل آناں سرجمی ءَ سول ملٹری منوگری ءَ چہ پد پکوئیں رنگ دیگ بوتگ۔
