اسلام آباد۔13جنوری (اے پی پی): ملک مستر ڈاکٹر عارف علوی ءَ گوں پاکستان ءُ جنوبی کوریا ءِ نیام ءَ بیپاری ءَ را گیش کنگ ءِ ھاترءَ جوانیں گامگیج کنگ ءِ ضلورت ءِ سرءَ زو ر پِر داتگ ءُ گشتگ کہ پاکستان کوریا ءِ گوما وتی سیادی ءَ ارزشت دنت ءُ دوئیں ملک آنی نیام ءَ سیاسی، معاشی ، اُلسی ء ُ دودء ُربیدگی سیادی ءَ را گیش کنگ ءِ وائشت مند اِنت۔ اے ھیالانی درشانی آئی ءَ جنوبی کوریا ءِ ھاترءَ پاکستان ءِ نامینتگیں سفیر نبیل منیر ءَ گوں گپ ءُتران کنانءَ کتگ کہ آیاں پنچ شمبے ءِ رو چءَ یکے دومی ءَ گوں گپ ءُتران کنا ن ءَ کتگ۔ آئی ءَ کوریا ءِ ایگزام بینک ءِ نیمگ ءَ چہ اسلام آباد ءَ آئی ٹی پارک ءِ ھاترءَ 88 ملین ڈالر دیئگ ءُ کراچی ءَ سام سنگ ءِ موبائل فونز مینوفیکچرنگ یونٹ بندات کنگ ءَ راہم ساڑاتگ۔ ملک مستر ءَ دوئیں ملک آنی نیام ءَ مزن گسی سنگتی گروپ آناں یکے دومی ءَ گورءَ دیم دیئگ ءِ ضلورت ءِ سرءَ زور پِر داتگ۔ ایشی ءَ پد الجزائر ءَ پاکستان ءَ نامینتگیں سفیر ڈاکٹر محمد طارق ءَ ہم ملک مسترءَگوں گندءُنندکتگ۔ ملک مستر ڈاکٹر عارف ءَ گشتگ کہ پاکستان ء ُ الجزائر ءِ نیام ءَ یکجاہی مذہب ء ُ دود ء ُ ربیدگی ردءَ دوستناکیں سیادی اَست، آئی ٹی ءِ پڑءَ الجزائر ءِ گوما سیادیءَ را گیش کنگ ءِ ضلورت اِنت۔ اے موہ ءَ ملک مستر ءَ پاکستان ء ُ الجزائر ءِ نیامءَ یکجاہی بیپاری کونسل جوڑ کنگءِ سوج ہم داتگ۔
