اسلام آباد۔ 13 جنوری (اے پی پی) سینیٹ نا قائمہ کمیٹی امور خارجہ نا دیوان 19 جنوری آ داڑے پارلیمنٹ ہاؤس اٹی مریک۔ سینیٹ سیکرٹریٹ نا رداٹ قائمہ کمیٹی امور خارجہ نا دیوان ءِ اسلامی کمکار تنظیم(او آئی سی) نا وزراء خارجہ نا بنجائی دارالحکومت اسلام آباد اٹی مروک آ ساڑی آ اہم انگا دیوان، دانا سرسہبی وو پاکستان آ اونا اثر و آخبت نا گمان تیا حوال تننگک۔ دیوان اٹی بشخ ہلوک آتے پیشن نا ملک زندان تیٹی بند پاکستانی تا رہائی و اوفتے وطن آ پدی اتنگ کن کروک آ حکومتی گام گیج آتا بارواٹ ہم حوال تننگک۔ سینیٹ نا قائمہ کمیٹی امور خارجہ نا چیئرپرسن سینیٹر شیری رحمان نا کماشی ٹی دیوان پارلیمنٹ ہاؤس نا کمیٹی روم نمبر اسٹ اٹ مریک۔ سینیٹ اٹی قائد ایوان سینیٹرڈاکٹر شہزاد وسیم و وزیرخارجہ شاہ محمود قریشی آن بیدس کمیٹی نا باسک و تعلقدار کمامدارآک دیوان اٹی بشخ ہلیرہ۔
