اسلام آباد۔ 13 جنوری (اے پی پی) پاکستان اٹی ملائیشیا نا براہ راست زرکاری ٹی برجامالی سال اٹی تدوک آ مالی سال انا مقابلہ ٹی ودکی ریکارڈ کننگانے۔ اسٹیٹ بینک و زرکاری بورڈ انا کنڈآن دا بابت جاری کروک حساب وکتاب نا رداٹ جولائی آن ہلیس نومبر 2021اسکان نا مد اٹی ملائیشیا پاکستان اٹی 17.6 ملین ڈالر نا براہ راست زرکاری کرے ہرا تدوک آ مالی سال انا ہندا مدانا مقابلہ ٹی 74.25 درسد زیات ءُ، تدوک آ مالی سال انا ہندا مد اٹی پاکستان اٹی ملائیشیا نا براہ راست زرکاری نا کچ 10.1 ملین ڈالر ریکارڈ کننگاسس۔ نومبر 2021اٹی پاکستان اٹی ملائیشیا نا براہ راست زرکاری نا کچ 1.5 ملین ڈالر ریکارڈ کننگا۔ یات سلے کہ برجامالی سال اٹی ملک اٹی جم درملکی زرکاری ٹی عمومی ودکی نا کچ مون آ بسنے۔
