اسلام آباد۔12جنوری (اے پی پی): مزن وزیر عمران خان ءَ گوشت کہ سیت خوری ءُ امبار آں جم کنگ ءِ کار ءَ گوں دست مانجنیں مردم آنی گوما نرمی کنگ نہ بیت، دھکان آناں کد ءِ پجاری دل یکیمی کنگ بہ بیت۔ چار شمبے ءَ مزن وزیر ءَ ملک ءِ کد ءِ لوٹ ءُ رسد ءِ مزن تکی دیوان ءِ چار ءُ تپاسی دیوان ءِ سروکی ءَ کنان ءَ کت۔ اے موہ ءِ سر ءَ مزن وزیر ءَ بگوشت کہ کد ءِ امبار آں چیر دیوک ربیع سیزن ءِ واستہ کشار ءِ پیداوار سک باز آماچ کت کنت۔ ایشی ءِ واستہ دھکان آناں کد ءِ پجاری ءَ را دل یکیمی جوڑ کنگ بہ بیت۔ مزن وزیر ءَ گوشت کہ دھکان پاکستان ءِ معیشت ءِ سرین ءِ ھڈ ءِ بستار ءَ انت، پی ٹی آئی ءِ حکومت ءَ ملکی تاریخ ءَ اولی رند ءَ دھکان دوستیں پالیشی سہرا کنائینتگ۔ مزن وزیر ءَ پنت ءُ شون کت کہ یوریا ءِ ڈکال ءِ ھوالگ ءَ دروگ ءُ بٹاک آنی سا پ ءُ راست کنگ ءِ واستہ گامگیج کنگ بہ بیت۔ دیوان ءَ را گوشگ بوت کہ گوستگیں ھپتگ ءِ ساتھ ءَ کساس 19000 میٹرک ٹن ھمک روچ کد ءِ پجاری دل یکیمی جوڑ کنگ بوتگ ءُ گیش 1000 میٹرک ٹن ھمک روچ گیش کنگ بوتگ۔ دیوان ءَ بنجاھی وزیر شوکت فیاض ترین مخدوم خسرو بختیار ءُ سید فخر امام، وزیر ءِ مملکت فرخ حبیب، ڈاکٹر شہباز گل، فرٹیلائزر مینو فیکچرنگ کمپنی آنی ایگزیکٹوز ءُ کلانہ ایں اپسر گ آں بھر زوری کت۔ پنجاپ ءُ خیبر پختونخوا ءِ چیف سیکرٹریز ویڈیو لنک ءِ کمک ءَ ھوار اتنت۔
