اسلام آباد۔ 12 جنوری (اے پی پی) سینیٹ اٹی قائد ایوان ڈاکٹر شہزاد وسیم پارینے کہ پاکستان و جرمنی نا نیام اٹ واپاری کمکاری کن پبی وارخواہی ارے ہرافتے پین مون آدننگ نا گرج ءِ۔ داخیال آتا درشانی ءِ او جرمنی نا سفیر برن ہارڈ سٹیفن شیلک تون گپ وتران کرسا کرے ہرا چارشنبے نادے آ اوڑتون اوڑدہی کرے۔ اوڑدہی ٹی تین پہ تینی است خواہی نا امور، ہڑتوم آ کنڈآتا اقتصادی وپارلیمانی رابطہ غاتے پین ودفنگ آن بیدس اہم امور آ گپ وتران کننگا۔ قائد ایوان سینیٹر ڈاکٹر شہزاد وسیم پارینے کہ پاکستان جرمنی اتون تینا تین پہ تینی تعلقداری تے قدر انا نظر اٹ ہرک ، ہڑتوم آ ملک آتا سفارتی تعلقداری 7 دہائی تیا تالان ءِ۔ اوپارے کہ ہڑتوم آ ملک آتا نیام اٹ پارلیمانی کمکاری ءِ پین مون آ دننگ نا گرج ءِ ، پاکستان جرمنی اتون تینا اقتصادی و زرگزرانی کمکاری ءِ پین مون آ دننگ نا خواہندار ءِ، واپاری رابطہ غاتے پین مون آ دننگ نا گرج ءِ و ہڑتوم آ ملک آتا نیام اٹ واپاری کمکاری کن پبی وارخواہی ارے۔ جرمن سفیر سینیٹر ڈاکٹر شہزاد وسیم ءِ پی ٹی آئی نا ڈپلومیٹک اینڈ انٹرنیشنل افیئرز نا بشخ انا سروک نا حیثیت اٹ زمواری تے سنبھالنگ آ مبارکبادی تس۔ اوپارے کہ پاکستان اہم ءُ ملک اسے و جرمنی اوڑتون ہڑتوم آ کنڈآتا واپاری و پارلیمانی رابطہ غاتے پین مون آ دننگ نا خواہندار ءِ۔
