راولپنڈی۔ 12 جنوری (اے پی پی) سلاہکار واپار و زرکاری رزاق داؤد پارینے کہ جولائی آن دسمبر ایکسپورٹ آتا حساب وکتاب بھاز جوان ءِ و پانزدہ ارب ڈالر آن زیات نا برآمدات مس، ازبکستان تون ٹی آئی آر ایگریمنٹ مسنے داسہ ازبکستان آن ٹرک براہ راست پاکستان آ سرمننگ کیک۔ داخیال آتا درشانی ءِ او چارشنبے نادے آ راولپنڈی چیمبرآف کامرس نا کنڈآن انٹرنیشنل چیمبرز سمٹ 2022 نا وخت آ مچ آ ملک آن بروک آ چیمبرز صدر آن تران کرساکرے۔ اوپارے کہ علاقائی واپار ءِ مون آ درسا ہی اقتصادی شونداری ءِ سوگو کننگ مریک، سینٹرل ایشیااہم ءُ مارکیٹ اسے ، ننا ایکسپورٹ آتیٹی ٹیکسٹائل نا شیئر60 درسد ءِ ایلو بشخ خاص وڑاٹ فارما سیوٹیکل، ایگری پروڈکٹس انجینئرنگ ، و آئی ٹی آ ہم چکار کرسا اوفتا ملکی ایکسپورٹ اٹی شیئرءِ ودفوئی مریک۔ اوپارے کہ چیمبرز صدور کانفرنس نا اڈتننگ آ راولپنڈی چیمبرمبارکبادناحقدار ءِ داسہ اسہ ریگولر ایونٹ اس جوڑ مسنے۔ منی بجٹ آ پوریاگر آتا گڑتی تے مرکننگ نا کوشست کننگک۔ اوپارے کہ بجٹ سازی کن سلاہ تے فروری نا اولیکو ہفتہ اسکان گدریفر۔
