اسلام آباد۔ 12 جنوری (اے پی پی) کینیڈ اٹی رہینگوک آ پاکستانی تا زررادہ کننگ اٹ برجامالی سال اٹی تدوک آ مالی سال انا ہندا مد انا مقابلہ ٹی 35.3 درسد نا نمو ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ جولائی آن ہلیس نومبر 2021اسکان نا مد اٹی کینیڈ اٹی کاریم کروک آ پاکستانیک 267.5ملین ڈالر نا زرمبادلہ ملک آ گدریفیر ہرا تدوک آ مالی سال انا ہند امد انا مقابلہ ٹی 35.3 درسد زیات ءُ، تدوک آ مالی سال انا ہند امد اٹی کینیڈ اٹی کاریم کروک آ پاکستانیک 197.7 ملین ڈالر نا زرمبادلہ ملک آ گدریفیسر۔ نومبر2021اٹی کینیڈا غان زررادہ کننگ نا کچ 50.9 ملین ڈالر ریکارڈ کننگا ہرانومبر 2020اٹی 41.5 ملین ڈالر ئسر۔ یات سلے کہ برجامالی سال انا اولیکو 5 تُو اٹی سمندر پار پاکستانی تا زررادہ کننگ اٹ جم وڑاٹ 9.7 درسد نا نمو ریکارڈ کننگانے۔
