اسلام آباد۔11جنوری (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَگوشت کہ نواز شریف ءِ ڈن ملک ءَ روگ نادراھی اِناں فراڈ ءِ بوتگ، نواز شریف ءِ ڈن ملک ءَ چست ءُ ایر آں چہ سما بیت کہ آ ریاست ءِ پاکستان ءُ ایشی ءِکانود ءَ را چیوا کتگ، نواز شریف ءِ ڈن ملک ءَ روان دیگ ءِ فراڈ ءَ شہباز شریف سرجمیں رنگ ءَ گوں دست مانجن انت۔ شہباز شریگ ءَ آمید گس ءَ دروگیں بیان حلفی جم کنائینتگ ایش آرٹیکل 63 ءِ ھلاپ انت۔ بنجاھی کابینہ ءَ شہبازشریف ءَ را سرجمیں رنگ ءَ دست مانجن انت۔ شہباز شریف ءَ آمید گس ءَ دروگیں بیان حلفی جم کنائینتگ ایش آرٹیکل 3 ءِ ھلاپ کنگ انت۔ بنجاھی کابینہ ءَ شہباز شریف ءِ ھلاپ ہائی کورٹ ءَ گوں نزیکی کنگ ءِ پیسلہ کتگ، مری واکیہ ءِ پٹ ءُ پول ءِ واستہ مزن تکی انکوائری کمیٹی جوڑ کتگ، پنچ روچ ءَ یک لکھ 4 ہزار گاڑی مری ءَ پترتگ، ایوک ءَ پنچ گاڑی آنی تہ ءَ 22 مردم بیرانی بوتگ انت، بیران بوھگ ءِ واکیہ کلڈنہ ءُ باڑیاں ءِ دمگ ءِ نیام ءَ بوتگ ۔ لستیں مردم گاڑی آں چہ در کپگ ءِ بدل ءَ گاڑی آنی ہیٹر چالو کتگ ءُ وپتگ انت، گاڑی آنی تہ ءَ کاربن مونو آکسائیڈ ءِ گیس ءِ سبب ءَ بیران بوتگ انت۔ مزن وزیر ءَ مری واکیہ ءَ را گیشاں چہ گیش ایراد گپتگ، ءُ اپسوزی ءِ درشان کتگ۔ یک جستے ءِ پسو ءَ آئی ءَ گوشت کہ مری واکیہ ءَ 22 مردم بیران بوھگ ءِ تسدیک ٹی ایچ کیو ہسپتال ءَ ڈیتھ سرٹیفیکٹ جاڑی کنان ءَ کتگ۔
