اسلام آباد۔11جنوری (اے پی پی): مزن وزیر عمران خان ءَ گوشت کہ برآمداست ءُ ٹیکس گرگ ءِ تہ ءَ گیشی حکومت ءِ اولی کار آنی تہ ءَ ھوار انت، گران بھائی ءِ میاں اوستمانی فیز ءَ چہ سرجمیں دگنیا ءِ وڑ ءَ پاکستان ھم سک باز آماچ بوتگ بلے پڑے ایندگر ملک آنی وڑ ءَ نوں پاکستان ھم سستائیں ملک ات، اچ حکومت مئے رنگیں جیڈھ آنی گوما دیم پہ دیم نہ بوتگ ایشی ءَ ابید جیڈھ آں چہ در کپتگ۔ جھلی تبک ءَ را برز ءَ برگ ءِ کوشست ءَ کنگ ءَ آں۔ سیل ءُ سواد ، آئی ٹی ءُ کشت ءُ کشار ءِ شوبگ ءَ بے کساس موہ است انت، صنعت کار ءُ سرمایہ کاری ءِ واستہ آسراتی ءُآسانی پیداک کناں ءُ ٹیکس کلچر ءَ را دیمروئی دیاں۔ اے ھیالانی درشانی آئی ءَ سئے شمبے ءِ روچ ءَ راولپنڈی چیمبر آف کامرس اینڈ انڈسٹری ءِ سروکی ءَ 14 چاردھمی انٹرنیشنل چیمبر ز سمٹ ءِ بنگیجی دیوان ءَ گوں گشتانک دیان ءَ کت۔ مزن وزیر ءَ گوشت کہ کرپشن ءِ سبب ءَ رنگ روڈ منصوبگ مھتلی ءِ آماچ بوتگ۔ ایشی ءِ الائنمنٹ ھراب کنگ بوتگ۔ مزن وزیر ءَ گوشت کہ صنعت جنگ ءِ واستہ سرکاری زمین لیز ءِ سر ءَ دیگ ءِ پیسلہ کتگ، ملک ءَ انڈسٹریل زونز آنی برجائیءِ واستہ ھمک رنگیں آسراتی پجاری کناں، بنگلہ دیش ءُ ایندگر ملک آنی تہ ءَ انڈسٹریل زونز آنی تہ ءَ توامیں آسراتی پجاری کنگ بیت بلے ادا گوست ءَ انڈسٹریل زونز آنی جوڑیشت ءِ واستہ ھمک رنگیں آسراتی پجاری کناں۔ بنگلہ دیش ءُ ایندگر ملک آنی تہءَ انڈسٹریل زونز آنی تہءَ توامیں آسراتی پجاری کنگ بیت بلے ادا گوست ءَ انڈسٹریل زونز ڈیکلیئرڈ کنگ بوتگ انت بلے آسراتی پجاری کنگ نہ بوتگ۔ نوں ھمک ھپتگ دیوان ءِ برجم داراں ءُ سپیشل اکناملک زونز ءِ تہءَ آسراتی پجاری کنگ ءِ ھوالگ ءَ گامگیج آنی سر ءَ چار ءُ بچار کناں۔
