میڈرڈ۔11جنوری (اے پی پی):وزیر ءِ درئی کار شاہ محمود قریشی ءَ سئے شمبے ءَ میڈرڈ ءَ سپین ءِ نائب ءِ کانگریس ءِ صدر میری شل بتیت ءَگوں گند ءُ نند کت۔ گند ءُ نند ءِ ساھت ءَ دوئیں ملک آنی نیام ءَ دو نیمگی یکوئی آناں برجا کنگ ءِ ھوالگ ءَ جتا جتائیں بھر آنی سر ءَ ھیال ریچی کنگ بوت۔ وزیر ءِ درئی کار ءَ اے موہ ءِ سر ءَ تران کنان ءَ گوشت کہ سپین ، یورپی یونین ءَ پاکستانی ءِ بازیں ارزشتی ایں شریکدار است۔ پاکستان سپین ءِ گوما دو نیمگی یکوئی آناں دیم ءَ جنزینگ ءُ جتا جتائیں شوبگ آنی تہ ءَ کمک آناں دیمروئی دیگ ءِ واستہ جزمیگ انت۔ آئی ءَ گوشت کہ ہسپتانوی وزیر ءِ درئی کار ءِ استیں تر ءُ تاب پاکستان ءَ گوں دو نیمگی یکوئی آناں شاھیگانی رسیت، وزیر ءِ درئی کار مخدوم شاہ محمود قریشی ءَ پاکستان ءُ سپین ءِ نیام ءَ دو نیمگی یکوئی آناں گیش برجم دارگ ءِ واستہ دوئیں ملک آنی نیام ءَ مزن تکی رابطہ آناں ودینگ ءِ ضلورت ءِ سر ءَ زور پر داست ءُ گوشت کہ ما اسلام آباد ءَ پاکستان ءُ سپین ءِ نیام ءَ سفارتی یکوئی آنی ھپتاد سالی جشن ءَ را جوانیں رنگ ءَ برجم داشتگ۔ پریک آں دوئیں ملک آنی پارلیمان ءِ نیام ءَ کمک آنی دیمروئی ءِ واستہ ، دوئیں ملک آنی نیام ءَ پارلیمانی فرینڈ شپ گروپس آناں برجا کنگ ءِ سر ءَ تپاک کت۔
