اٹک۔ 11 جنوری (اے پی پی) وزیراعظم نا خصوصی کمکار موسمیاتی بدلی ملک امین اسلم خان کورونا ٹی اختہ مس، ٹیسٹ پازیٹو بننگ آن پد غٹ اختہ ئی تے ہلسا تینے تینا اُراٹی قرنطینہ کرے۔ خصوصی کمکار نا 12 جنوری (اینو) چارشنبے نادے آ بلدیہ حضروٹی اڈ ہلوک آ کھلی کچہری ءِ منسوخ کننگانے۔ ملک امین اسلم نا کوآرڈنیٹر اشفاق خان، کوآرڈنیٹر ملک ثمر عباس و سوشل میڈیا ٹیم نا کوآرڈنیٹر عامر عتیق ئسک پارینو کہ خصوصی کمکار نا ہندن کہ کورونا ٹیسٹ نیگیٹیو بریک او السی خذمت آتا چرجوئی نا بناءِ کیک، وخت اس کہ ضلع اٹک اٹی کھلی کچہری نا پوسکن ءُ شیڈول اس ہم جاری کننگک۔ اوعالم دین و الس آن خصوصی کمکار ملک امین اسلم نادراخ جوڑی کن دعاتا خواست کرینو۔
