اسلام آباد۔ 11 جنوری (اے پی پی) سپریم کورٹ مشال خان خون کیس انا دوبہ دار آتا بریت نا برخلاف خیبرپختونخواحکومت نا کنڈآن دائر اپیل آتے سماعت کن منظور کرے۔ عدالت عظمیٰ صوبائی حکومت نا دوبہ دارآتا سزاٹی ودکی نا بابت دائر اپیل آتے ہم سماعت کن منظور کرے۔ سپریم کورٹ سزاتا برخلاف دوبہ دارآتا کنڈآن دائر اپیل آتے ہم سماعت کن منظور کرے۔ سے شنبے نادے آ جسٹس مقبول باقر نا کماشی ٹی مسہ باسکی بنچ ہندا اپیل آتیا سماعت کرے۔ یات سلے کہ ٹرائل کورٹ، پشاور ہائی کورٹ نا کنڈآن تروک آ سزاتا برخلاف 13 دوبہ دار سپریم کورٹ اٹی اپیل دائر کریسر۔ کےپی کے حکومت مشال خان خون کیس انا مسہ دوبہ دارآتا سزاٹی ودکی و چار دوبہ دارآتا بریت نا برخلاف سپریم کورٹ تون رجوع کریسس۔
