اسلام آباد۔ 11 جنوری (اے پی پی) پاک فضائیہ نا کنڈآن بلوچستان نانوکاپ آن زہمی علاقہ غاتیٹی کمکی گڑاتا فراوانی نا چرجوئی سے شنبے نادے آہم برجائس۔ پاک فضائیہ نا جہازآک 13 جہاز آتا کمک اٹ بلوچستان نا نوکاپ آن زہمی علاقہ غاتیٹی کمکی گڑا و خور انا فراوانی کریر۔ پاک فضائیہ نا ترجمان نا رداٹ فضائیہ نا C-130جہاز آک 131,887پاؤنڈآن زیات کمکی گڑاہرافتے ٹی راشن، کنوئی ءُ دیر، دوائی ، کمبل و تمبو اوار ءُ، آفت زدہ علاقہ ٹی سرکریر۔ پسنی ٹی پی اے ایف ڈاکٹرز و پیرامیڈیکلک اسٹاف نا چاروکی ٹی پی اےایف میڈیکل کیمپ مہالو آن نوکاپ آن زہمی بندغ آتے بیست ءُ چار گھنٹہ طبی آسراتی فراوان کننگ ءِ۔ داکان بیدس پی اے ایف ہیلی کاپٹرز نوکاپ آن زہمی علاقہ غاتیٹی کمکی کارروائی تیٹی زیات آن زیات بشخ ہلنگ ءُ۔
