اسلام آباد۔ 11 جنوری (اے پی پی) نیشنل کمانڈ اینڈ آپریشن سینٹر پارینے کہ مچ آ ملک اٹی بیست ءُ چار گھنٹہ ٹی کورونا دین انا 1 ہزار 467 کیس مون آبس وخت اس کہ دین آن 2 مرک مس۔ این سی او سی آن جاری حساب وکتاب نار داٹ تدوک آ 24 گھنٹہ ٹی مچ آ ملک اٹی 1 ہزار 467 بندغ آتا کوویڈ۔ 19 ٹیسٹ مثبت بس، 4 بھلا شار تیٹی وینٹی لیٹرآتیا دادین انا ناجوڑ آتا بیٹ کچ انا رداٹ پشاور اٹی 12 درسد، اسلام آباد اٹی 11 درسد ، لاہور اٹی 7 درسد و سرگودھاٹی 10 درسد ناجوڑ ءُ۔ ہنداوڑاٹ چار بھلا شارتیٹی آکسیجن نا آسراتی والا کٹ آتیا کورونا نا مثبت کیس آتا بیٹ کچ انا رداٹ فیصل آباد اٹی 8 درسد، گجرات اٹی 11 درسد، لاہور اٹی 8 درسد و اسلام آباد اٹی 13 درسد ناجوڑ ءُ۔ این سی او سی نا رداٹ 24 گھنٹہ ٹی کوویڈ۔ 19 نا 43 ہزار 540 ٹیسٹ کننگا ہرافتیان سندھ اٹی 13 ہزار 757، پنجاب اٹی 18 ہزار 224، خیبرپختونخوا ٹی 7 ہزار 237، اسلام آباد اٹی 3 ہزار 564 ، بلوچستان اٹی 361، گلگت بلتستان اٹی 165 ٹیسٹ و آزاد جموں و کشمیر اٹی 232 ٹیسٹ اوار ءُ۔ کمامدارآتا پاننگ ءِ کہ داتم اسکان مچ آ ملک اٹی کوویڈ۔19 آن دراخ جوڑ مروک آتا کچ 12 لکھ 59 ہزار 253 مسنے، بلوچستان، آزاد جموں و کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹرآتیا اف وخت اس کہ مچ آ ملک اٹی دادین اکن جتا وینٹی لیٹرآتیا 72 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 18 ہزار 947 ءِ۔ مچ آ ملک اٹی کورونا دین آن زہمی بندغ آتا کچ 13 لکھ 7 ہزار 174 ءِ ہرافتیان آزاد کشمیر اٹی 34 ہزار 708، بلوچستان اٹی 33 ہزار 661، گلگت بلتستان اٹی 10 ہزار 433، اسلام آباد اٹی 1 لکھ 9 ہزار 495، خیبرپختونخوا ٹی 1 لکھ 81 ہزار 790، پنجاب اٹی 4 لکھ 48 ہزار 479 و سندھ اٹی 4 لکھ 88 ہزار 608 ناجوڑ ءُ۔ مچ آ ملک اٹی کورونا دین آن زوال کروک آتا کچ 28 ہزار 974 مسنے ہرافتیان سندھ اٹی 7 ہزار 682 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس اُراٹی قرنطینہ ٹی دادین آن زوال کرے، پنجاب اٹی 13 ہزار 81 وخت اس کہ تدوک آ بیست ءُ چار گھنٹہ ٹی 1 ناجوڑ اس ہسپتال اٹی دادین آن زوال کرے، خیبرپختونخواٹی 5 ہزار 943مرک، اسلام آباد اٹی کل 967مرک، بلوچستان اٹی ککل 367مرک، گلگت بلتستان اٹی 186 مرک، آزاد کشمیر اٹی دادین آن 748 مرک مسنے۔ داتم اسکان مچ آ ملک اٹی کوویڈ۔ 19 نا 2 کروڑ 38 لکھ 91 ہزار 112 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 640 ہسپتال آتیٹی 772 ناجوڑ درمان مننگ ءُ۔
