اسلام آباد۔ 11 جنوری (اے پی پی) وزیراعظم نا ترجمان و خصوصی کمکار سیاسی ابلاغ ڈاکٹر شہباز گل پارینے کہ ایل این جی نا کبین ءُ معاہدہ کرسا ملک ءِ سودا کروک آک اسل ڈوہدار ءُ، سیاسی شوشاکروک آک قومی سانحہ غاتیا سیاست کننگ ءُ۔ سے شنبے نادے آ شاہد خاقان عباسی نا بیان آ تینا ردعمل اٹ اوپارے کہ 15 سال نا مد اکن 16 ارب ڈالر نا معاہدہ کروک آک نابود ئسر۔ ایل این جی نا کبین معاہدہ کرسا ملک ءِ سوداکروک آک اسل ڈوہدار ءُ۔ ڈاکٹر شہبازگل پارے کہ دامخلوق ملک انا سوداءِ کروک جوابدہی نا جاگہ غا ادارہ غاتے متنازع جوڑ کننگ نا کوشست اٹی ءُ، سیاسی شوشاکروک آک قومی سانحہ غاتیا سیاست کننگ ءُ۔ اوپارے کہ حکومت، ادارہ و الس اواری اٹ مری نا سیل و سواتی تا کمک ءِ کریر۔ اپوزیشن سانحہ ءِ سیاسی پوائنٹ اسکورنگ کن کاریم اٹ ایس ۔
