وزیر ءِ درئی کار مخدوم شاہ  محمود قریشی ءِ رومانیہ ءِ  وتی ھمکار  بوگدان اوریسکو ءَ گوں گند ءُ نند، تجارت ، سرمایہ کاری ، دیمپانی ، وانگ ءُ زانگ ،  سائنس، ٹیکنالوجی، ءُ دود ءُ ربیدگ ءَ ھوار  جتا جتائیں شوبگ آنی تہ ءَ  دو نیمگی کمک آناں گیش ودینگ ءِ سر ءَ تپاک

اسلام آباد۔10جنوری  (اے پی پی):پاکستان ءُ رومانیہ ءَ تجارت ، سرمایہ کاری، دیمپانی، وانگ ءُ زانگ، سائنس، ٹیکنالوجی ءُ   دود ءُ ربیدگ  ءَ ھوار  جتا جتائیں شوبگ  آںی تہ ءَ دو نیمگی کمک آناں گیش  ودینگ ءِ سر ءَ تپاک کت۔ اے  تپاکی دو شمبے ءَ  بخارسٹ ءَ وزیر ءِ درئی کار مخدوم شاہ محمود قریشی ءِ رومانیہ ءِ  وتی  ھمکار  بوگدان ءُ ریسکو ءِ گوما گند ءُ نند ءَ منوگری  کنگ بوت۔ رومانیہ ءَ پاکستان ءِ سفیر ڈاکٹر  ظفر اقبال  ھم وزیر ءِ درئی  کار  ءِ ھمبراھ ات۔ گند ءُ نند ءِ ساھت ءَ دو نیمگی یکوئی،  جتا جتائیں شوبگ آنی تہ ءَ دو نیمگی  کمک آنی دیمروئی ءَ  ھوار ارزشتی ایں دمگی ءُ میاں اوستمانی کار آنی سر ءَ  ھیال ریچی کنگ بوت۔  دوئیں وزیر  ءِ درئی کار ءَ یکجائی اقتصادی کمیشن ءَ را  برجا کنگ ءِ ضلورت ءِ سر ءَ زور پر دات۔