راولپنڈی۔10جنوری (اے پی پی): زرئی ارد ءِ سروک جنرل قمر جاوید باجوہ ءَ اوگانستان ءَ را بنی آدمی یکوئی ءِ رد ءَ کمک پجاری ءِ واستہ زوتیں رند ءَ ادارگی میکانزم سہرا کنگ ءِ زوتیں ضلورت ءِ سر ءَ زور پر دات تانکہ آ گیش بوھوکیں بنی آدمی ڈکالی ءَ را گر ءُ دار کنگ بوت بکنت۔ پاک فوج ءِ شوبگ آئی ایس پی آر ءِ رد ءَ اے گپ آئی ءَ سعودی عرب ءِ وزیر ءِ دیمپانی ءِ ملٹری ایڈوائزری میجر جنرل طلال عبداللہ العتیبی ءَ گوں گند ءُ نند ءِ ساھت ءَ کت۔ آئی ءَ دو شمبے ءَ جنرل ہیڈ کوارٹرز ءَ آرمی چیف ءَ گوں گند ءُ نند ءَ کت۔ پریک آں وت مہ وتی واھگی کار، دمگی سلامتی، اوگانستان ءِ استیں جاور ھال ءُ دوئیں ملک آنی نیام ءَ دو نیمگی یکوئی آنی سر ءَ ھیال ریچی کت۔ جنرل قمر جاوید باجوہ ءَ گوشت کہ پاکستان سعودی عرب ءِ گوما وتی تاریخی ءُ براتی یکوئی آناں شرپ ءِ نگاہ ءَ چار ایت ءُ اسلامی دگنیا ءَ ایشی ءِ جتائیں بستارے ءَ را تسلیم کنت انت۔ آئی ءَ اوگانستان ءَ ایمنی ءُ منگ نامہ ءِ گامگیج ءِ ارزشت ءِ سر ءَ زور پر دات۔ شرپ مندیں مہمان آں پاکستان ءِ سلاھ بندیں ارد ءِ کزبی کار آنی توسیپ کت ءُ جتا جتائیں شوبگ آںی تہ ءَ کمک آناں ودینگ ءِ جزم ءِ درشان کت۔ آئی ءَ اوگانستان ءِ جاور ھال ءَ پاکستان ءِ کرد، بارڈر مینجمنٹ ءِ واستہ ھاسیں کوشست، دمگی برجائی ءَ کرد ءَ را ھم ساڑات۔
