اسلام آباد۔10جنوری (اے پی پی): مزن وزیر ءِ ھاسیں کمکار برائے گریبی ءُ چاگردی رکھینگ ڈاکٹر ثانیہ نشتر ءِ سروکی ءَ نیشنل بینک ٹیمب ءِ ھمبراھ ءَ دیوان ءِ برجائی کنگ بوت۔ دیوان ءِ مول ءُ مراد احساس راشن ریایت ءِ چیر دستی ءَ کریانہ دکاندار آنی جاڑیگیں رجسٹریشن ءِ سر ءَ چار ءُ تپاسی گپت۔ دیوان ءَ صدر نیشنل بینک ، چیف ڈیجیٹل اپسرگ نیشنل بینک، سیکرٹری، ایڈیشنل سیکرٹری چاگردی رکھینگ ڈویژن ھوار اتنت۔ دیوان ء۔ سرجمیں ملک ءَ نشنل بینک ءِ پنچ سد اپسرگ آں ھم بھر زوری کت۔ ڈاکٹر ثانیہ نشتر اے موہ ءِ سر ءَ گوشت کہ نیشنل بینک، ضلعی انتظامیہ ءِ کوشست آں چہ کریانہ رجسٹریشن ءِ کساس ھمک ھپتگ 300 ءَ چہ گیش بوھان ءَ 3 ہزار ءَ تاں پج اتگ۔ ڈاکٹر ثانیہ نشتر ءَ نیشنل بینک ءِ کار کرد ءَ را ساڑات ءُ کریانہ دکاندار آنی تسدیک ءُ اکاونٹ پچ کنگ ءِ کار ءَ گیش ترند کنگ ءِ پنت ءُ شون کت۔
