اسلام آباد۔10جنوری (اے پی پی): مزن وزیر عمران خان ءَ پارٹی سروک آناں پنت ءُ شون کت کہ آ سرجمیں ملک ءَ پارٹی ءِ کوکار ءَر ا مھکم جوڑ کنگ ءِ واستہ جوانیں گامگیج بکن انت ءُ بلدیاتی گچین کاری ءَ را کامیات کنگ ءَ دل یکیمی ءِ واستہ باسک تیار بہ بنت۔ مزن وزیر عمران خان ءَ دو شمبے ءَ بنجاھی وزیر منصوبگ بندی ءُ دیمروئی ءُ پاکستان تحریک انصاف ءِ جنرل سیکرٹری اسد عمر ءِ گند ءُ نند ، ایشی ءِ تہ ءَ سرجمیں ملک ءَ پارٹی ءِ کوکا ءَ را مھکم ءُ برجا جوڑ کنگ ءِ واستہ کار آنی سر ءَ ھیال ریچی کنگ بوت۔ گند ءُ نند ءَ پی ٹی آئی خیبر پختونخوا ءِ صدر ءُ وزیر ءِ دیمپانی پرویز خٹک ، پی ٹی آئی پنجاپ ءِ صدر ءُ وزیر ءِ وانگ ءُ زانگ شفقت محمود، پی ٹی آئی ، زر باری پنجاپ ءِ صدر ءُ وزیر ءِ صنعت ءُ پیداوار مخدوم خسرو بختیار، پی ٹی آئی سندھ ءِ صدر ءُ وزیر ءِ زرئی کار سید علی حیدر زیدی، پی ٹی آئی بلوچستان ءِ صدر ءُ ڈپٹی سپیکر راجی اسمبلی محمد قاسم خان سوری ءُ پی ٹی آئی ءِ ایڈیشنل جنرل سیکرٹری عامر محمود کیانی ھم ساڑی ات۔ مزن وزیر ءَ توامیں پارٹی سروک آناں پنت ءُ شون کت کہ آ سرجمیں ملک ءَ پارٹی تنظیمی کوکار ءَ را مھکم جوڑ کنگ ءِ واستہ جوانیں گامگیج بکن انت۔ آئی ءَ جتا جتائیں صوبگ، دمگی آیوکیں بلدیاتی گچین کار ءَ کامیاتی ءَ را دل یکیمی جوڑ کنگ ءِ واستہ باسک آناں جوانیں نمونگ ءَ برجا دارگ ءِ پنت ءُ شون کت۔
