اسلام آباد۔10جنوری (اے پی پی): مزن وزیر ءِ ھاسیں کمکار برائے ورنا آنی کار عثمان ڈار ءَ لاہور قلندر ءِ انتظامیہ ءِ شگر ءُ منت واری گپ ءُ گوشت کہ لاہور قلندر والنٹری رنگ ءَ کامیات ورنا سپورٹس پروگرام ءَ را سپورٹ کنگ ءَ انت ایشی ءِ پد ءَ آوانی شگر ءُ منت وار آں، کامیات ورنا سپورٹس اینڈ ٹیلنٹ ہنٹ ڈرائیو لاہور قلندر ءِ گوما یکجائی ءَ ازمکاریں ءُ جوانیں لیبی موہ پجاری کنت۔ دو شمبے ءَ وتی یک ویڈیو کلوہے ءَ ھاسیں کمکار ءَ گوشت کہ منی کلوہ پاکستان ءِ ھما ورنا آنی واستہ انت کہ آ کرکٹ ءَ گوں دوستی ءُ واھگ دار ایت۔ کامیات ورنا سپورٹس ڈرائیو لاہور قلندر ءِ گوما ھواری ءَ مرچی سئے شمبے ءَ سیالکوٹ وی آئی پی کرکٹ گرائونڈ ءَ ٹرائل کنگ ءَ روگ ءَ انت ءُ شمارا درستانان دعوت دیاں کہ ھرکس کرکٹ ءَ دیم ءَ آیگ لوٹ ایت ، ان شاء اللہ کامیات ورنا سپورٹس ایند ٹیلنٹ ہنٹ ڈرائیو لاہور قلندر ءِ گوما درستاناں موہ پجاری کنت۔ آئی ءَ گوشت کہ من لاہور قلندر ءِ انتظامیہ ءِ شگر ءُ منت ءَ گراں کہ آواں والنٹری رنگ ءَ مزن وزیر ءِ کامیات ورنا پروگرام ءَ را سپورٹ کنگ ءَ انت ءُ پاکستان ءِ ورنا آناں موہ دیگ ءَ انت۔ آئی ءَ گوشت کہ ایشی ءَ چہ پیسر گوستگیں سال 7 دسمبر ءَ اسلام آباد ءَ کامیات ورنا ءِ ٹیمب ءُ لاہور قلندر ءَ ھوار بوتگ ءُ ٹرائلز کتگ ءُ نوں 11 جنوری ءَ سیالکوٹ ءَ ٹرائلز کنگ ءَ روگ ءَ انت۔
