اسلام آباد۔10جنوری (اے پی پی):نیشنل کمانڈ اینڈ آپریشن سنٹر (این سی او سی) ءَ دو شمبے ءَ صوبائی ءُ ضلعی تک ءِ ٹیمب آنی شرپ ءَ توسیپی سند ءُ شیلڈ بھر ءُ بانگ کنگ ءِ مراگش ءِ بست ءُ بند کت آئی ءَ ویکسینیشن ءِ گیشینتگیں سیم سر آنی در جنگ ءُ کورونا وائرس ءِ ھوپ ءَ گوں گر ءُ چیل بوھگ ءَ وتی کوشست کت انت۔ مراگش ءِ بست ءُ بند این سی او سی ہیڈ آفس ءَ کنگ بوت ایشی ءِ سروکی چیئرمین ایس سی او سی ءُ بنجاھی وزیر برائے منصوبگ بندی، دیمروئی ءُ ھاسیں گامگیج اسد عمر، نیشنل کوآرڈینیٹر میجر جنرل محمد ظفر اقبال ءُ مزن وزیر ءِ ھاسیں کمکار برائے جان سلامتی ڈاکٹر فیصل سلطان ءَ کت۔ مراگش ءَ شیلڈ ءُ توسیپی نمدی اے ضلع ءُ صوبگ آناں دیگ بوتگ آئی ءَ 60 درسد ءَ چہ گیش آباتی آناں ویکسین جنگ ءِ سیم سر در جت ءُ اے سئے دور ءُ گستائیں ضلع بوھگ ءَ ابید ایشانی تہ ءَ گیشاں چہ گیش ویکسینینشن ءِ سیم سر در جتگ۔ ضلع ءِ نماھند ءُ ڈپٹی کمشنر ، اسٹنٹ کمشنرز، چیف ایگزیکٹو اپسرگ، ڈسٹرکٹ ہیلتھ اپسرگ، ڈسٹرکٹ ویکسینیشن فوکل پرسن ءُ ڈیٹا انٹری آپریٹرز ھوار اتنت۔ کورونا وائس ویکسینیشن گامگیج ءِ تہ ءَ گیشاں چہ گیش بھر زوری کنوکیں توامیں باسک آنی ازمت ءَ را تسلیم کنگ ءِ واستہ داد بھر ءُ بانگ کنگ ءِ مراگش ءَ گشتانک دیان ء۔ بنجاھی وزیر اسد عمر ءَ یک رند ءِ پدا مردم آناں شور ءُ مشور داتگ کہ آ وتارا کورونا وائرس (کوویڈ-19) ءَ چہ رکھگ ءِ واستہ جوانیں آپریٹنگ کار رپک (ایس او پیز) آنی پد ءُ رندی ءَ بکن انت۔
