اسلام آباد۔ 10 جنوری (اے پی پی) وزیراعظم عمران خان پارینے کہ بھار ت اٹی ہندو توا پڑک غٹ مذہبی اقلیت آتے بلاتخصیص شست کننگ ءِ، بھارتی حکمران جماعت بی جے پی نا انتہاپسندانہ ایجنڈا ہراڑآ مودی حکومت عمل کننگ ءِ، آن ڈیہہ نا امن ءِ حقی خطرہ مون تروک ءِ۔ دوشنبے نادے آ تینا ٹویٹ آتیٹی اوپارے کہ بھارتیہ جنتا پارٹی نا انتہاپسندانہ نظریہ غاتیا عمل کروک مودی حکومت اٹ ہندو توا پڑک غٹ مذہبی اقلیت آتے بلاتخصیص شست کننگ ءِ و اوفتے دا کارروائی تیا سزا آن استثنیٰ دوئی ءِ۔ مودی حکومت نا انتہاپسندانہ ایجنڈا ننا ڈیہہ ٹی امن کن حقی خطرہ اسے۔ وزیراعظم پارے کہ بھارت اٹ اقلیت خاص وڑاٹ 20 کروڑ مسلمان تا نسل کشی نا بابت دسمبر اٹی اسہ انتہاپسندہندوتوا کانفرنس اٹ کروک آ اپیل آ مودی حکومت نا پدریسہ چپی داسوج ءِ ودکی کیک کہ انت بی جے پی حکومت دا اپیل نا مخ تفی ءِ کیک؟۔ وزیراعظم پارے کہ وخت بسنے کہ جہانی برادری دا باندات نا نوٹس ءِ ہلسا کارروائی کے۔
