اسلام آباد۔ 10 جنوری (اے پی پی) صدر مملکت ڈاکٹر عارف علوی چندی واقعہ غاتیٹی شہید مروک آ سیکورٹی کارندہ غاتا خاہوت آتون ٹیل فون آ ہڑزخواہی کرے۔ صدر مملکت 30 دسمبر 2021 آ قطبی وزیرستان اٹی سرچ آپریشن اٹی شہید مروک آ فوجی کارندہ غاتا وارث آتون ٹیل فونک آ رابطہ کرسا ہڑزخواہی نا درشانی ءِ کرینے۔ ایوان صدر نا پریس ونگ آن دوشنبے نادے آ جاری بیان نا رداٹ صدر مملکت شہید آتا درجہ غاتا بڑزی و خاہوت کن صبر و جمیل نا دعا کرے۔ صدر مملکت قوم اکن قربانی و خذمت آتیا شہیدآتے خراج عقیدت پیش کرے۔ صدر حوالدار محمد منور و سپاہی محمد شیراز نا خاہوت تون گپ وتران کرے۔ صدر مملکت سپاہی ذکاء اللہ و سپاہی فرحان نا خاہوت آتون ہم ہڑزخواہی نا درشانی ءِ کرے۔ صدر ڈاکٹر عارف علوی 5 جنوری آ ضلع ٹانک اٹی سرچ آپریشن اٹی شہید مروک آ خاہوت آتون ہم ہیت کرے۔ صدر مملکت سپاہی شعیب حسن و سپاہی فریداللہ نا خاہوت آتون رابطہ کرے۔ صدر مملکت ضلع کیچ بلوچستان اٹی شہید مروک آ لانس نائیک منظور عباس و سپاہی عبدالفتح نا وارث آتون ہم ہڑزخواہی کرے۔ صدر ڈیرہ اسماعیل خان اٹی دھماکہ ٹی شہید مروک آ سپاہی الیاس نا وارث آتون ہم ہیت کرے۔

متعلقہ مضامینمصنف کی طرف سے مزید