اسلام آباد۔ 10 جنوری (اے پی پی) اسپیکر قومی اسمبلی اسدقیصر تون دوشنبے نادے آ پارلیمنٹ ہاؤس اٹی وزیراعظم نا سلاہکار پارلیمانی امور بابر اعوان اوڑدہی کرے ہراٹی کانود سازی ، قومی اسمبلی نا ایجنڈا و تین پہ تینی است خواہی نا امور آ گپ وتران کننگا۔ قومی اسمبلی سیکرٹریٹ نا رداٹ اوڑدہی ٹی طے مس کہ فنانس ترمیمی بل آ اپوزیشن ءِ گپ وتران نا پبی موقع فراوان کننگک و قائمہ کمیٹی تیٹی پدتموک بل آتا زوت منظوری کن اولیتی بنداو تیا گام گیج کننگک۔ اسپیکر پارے کہ قومی اسمبلی السی ویل آتا ایسر و راجی آسراتی کن تینا آئینی کڑد ءِ پبی وڑاٹ ادا کیک و آئین اٹ متعین 130 دے ءِ پورو کننگک۔ اونا پاننگ ئس کہ قومی اسمبلی السی اومیت آتیا پورو سلنگ کن تینا کڑد ءِ ادا کیک۔
