اسلام آباد۔ 10جنوری (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسدعمر پارینے کہ کورونا نا دین آن بچفنگ کن مچ آ قومی اواری اٹ کاریم کریر، این سی او سی ہموکاریم ءِ کرسا نشان تس ہراسٹ نا مخلوق سجفنگ ہم کتوکہ، الس کورونا دین آن بچنگ کن ویکسی نیشن ضرور کرفر۔ داخیال آتا درشانی ءِ او دوشنبے نادے آ نیشنل کمانڈ اینڈ آپریشن سینٹر اٹی دود آن تران کرسا کرے۔ بنجائی وزیر پارے کہ این سی او سی ٹی کاریم کروک آ ٹیم زبردست ءِ، این سی او سی نا مچ آ ٹیم گچین کاریم کننگ ءِ، اسدعمر پارے کہ 30 سال آن زیات وئی نا بندغ آک بوسٹر ڈوز المی خلفر۔ اسدعمر پارے کہ این سی او سی ہموکاریم ءِ کرسا نشان تس ہراسٹ نا مخلوق سجفنگ ہم کتوکہ، گمر کینہ این سی اوسی تون کاریم کننگ نا موقع دُوبس۔ اسدعمر دود آن تران کرسا پارے کہ این سی او سی ٹی کاریم کروک آ ٹیم زبردست ءِ ، این سی اوسی نا مچ آ ٹیم گچین کاریم کننگ ءِ، کورونا نا دین آن بچفنگ کن مچ آ قوم اواری اٹ کاریم کرے۔ اوپارے کہ مچ آ دنیا کورونا دین ءِ تالان مننگ آن توننگ نا برخلاف حکومتی گام گیج آتا ستاءِ کیک۔
