اسلام آباد۔ 10 جنوری (اے پی پی) وزارت خزانہ پارینے کہ پاکستان جہانی مالیاتی فنڈ ءِ شش میکو جاچ اکن بورڈ آف ڈائریکٹرز نا دیوان ءِ جنوری نا ایسر اسکان شیڈول کننگ نا سرکاری وڑاٹ دراخواست کریسس، کانود سازی نا عمل پورو مننگ تون آئی ایم ایف نا بورڈ شش میکو قسط اکن سلاہ و سوج نا منظوری نا جاچ ءِ ہلیک۔ وزارت خزانہ نا کنڈآن دوشنبے نادے آ داڑے جاری بیان اٹی پاننگانے کہ وزارت خزانہ جہانی مالیاتی فنڈ ءِ شش میکو جاچ اکن بورڈ آف ڈائریکٹرز نا دیوان نا جنوری نا ایسر اسکان ری شیڈول کننگ نا سرکاری وڑاٹ درخواست تسوسس حکومت ہڑتوم آ بل قومی اسمبلی ٹی پیش کرینے۔ بیان اٹی پاننگانے کہ آئی ایم ایف شش میکو قسط اکن سلاہ وسوج 12 جنوری آ مروک آ دیوان اٹی جمع کرفینے۔ وزارت خزانہ پارینے کہ ہندن کانود سازی نا عمل پورو مریک، آئی ایم ایف نا بورڈ شش میکو قسط اکن سلاہ و سوج نا منظوری نا جاچ ءِ ہلیک۔
