اسلام آباد۔ 10 جنوری (اے پی پی) پاکستان اٹ کینیڈا نا زرکاری ٹی برجامالی سال انا اولیکو 5 تُو اٹی تدوک آ مالی سال انا مقابلہ ٹی ودکی ریکارڈ کننگانے۔ اسٹیٹ بینک و زرکاری بورڈ انا کنڈآن دا بابت دوئی حساب وکتاب نار داٹ برجامالی سال انا اولیکو 5 تُو اٹی پاکستان اٹ کینیڈا نا براہ راست زرکاری نا کچ 11.3 ملین ڈالر ریکارڈ کننگانے ہرا تدوک آ مالی سال انا ہند امد انا مقابلہ ٹی 130.61 درسد زیات ءِ، تدوک آ مالی سال انا ہند امد اٹی پاکستان اٹی کینیڈا نا براہ راست زرکاری نا کچ 4.9 ملین ڈالر ریکارڈ کننگاسس۔ جولائی آن نومبر اسکان نا مد اٹی پاکستان اٹی کینیڈا نا پورٹ فولیو زرکاری نا کچ 10.8 ملین ڈالر ریکارڈ کننگانے ہرا تدوک آ مالی سال انا ہند امد اٹی 4.4 ملین ڈالر ئس۔ نومبر 2021اٹی پاکستان اٹی کینیڈا نا براہ راست زرکاری نا کچ 9 لکھ ڈالر ریکارڈ کننگا۔
