اسلام آباد۔9جنوری (اے پی پی): بنجاھی وزیر درئی کار مخدوم شاہ محمود قریشی رومانیہ ءُ سپین ءِ چار روچی (9 تاں 12 جنوری ) سرکاری تر ءُ تاب ءِ روادگ بوتگ، تر ءُ تاب ءِ ساھت ءَ وزیر ءِ درئی کار اے ملک آنی ھمکار ءُ ایندگر کارند آں گوں گند ءُ نند کنت انت۔ تر ءُ تاب ءِ اولی فیز ءَ وزیر ءِ درئی کار 9 ءَ بگر تاں 10 جنوری ءَ تاں رومانیہ ءِ ھمکار بوگڈان ءُ یسکو ءِ دعوت ءِ پد ءَ بخارسٹ ءِ تر ءُ تاب ءَ کنت۔ شاہ محمود قریشی وتی تر ءُ تاب ءِ ساھت ءَ رومانیہ ءِ وزیر ءِ درئی کار ءَ ھوار ٹوھیں ٹوھیں سروک آں گوں گند ءُ نند کنت انت۔ اے گند ءُ نند ءِساھت دو نیمگی یکوئی آنی دیمروئی، جتا جتائیں شوبگ آں ھوار دمگی ءُ میاں اوستمانی کار آنی سر ءَ ھیال ریچی کنگ بیت۔
