اسلام آباد۔7جنوری (اے پی پی): مزن وزیر عمران خان ءَ پنت ء ُ شون کتگ کہ آجوہی ءِ روچءِ ڈائمنڈ جوبلی مراگش ءِ بنجاہی اتحاد ءِ کلوہ، انصاف ء ُ وتی آجوہی ءِ ارزشت ءِ سرءَ پھر کنگ لوٹ ایت ء ُ اے ہوالگ ءَ پہ مراگش ءِ ھاترءَ جوڑ کتگیں مواد، جوان ء ُ مئے راج دپتر ءِ ردءَ جوڑ کنگ بہ بیت۔ اے ھیالانی درشانی آئی ءَ جمعہ ءِ روچءَ پاکستان ءِ ڈائمنڈ جُوبلی 2022 ءِ مراگش ءِ تیاری ءِ ہوالگءَ چارء ُتپاسی دیوان ءِ سروکی کنان ءَ کتگ۔ دیوان ءَ حال ء ُ اھیوال کاری ء ُ شنگکاری ءِ بنجاہی وزیر چوہدری فواد حسین ، مزن وزیر ءِ حاسیں کمک کار ڈاکٹر شہباز گِل، شہزاد نواز، حال ءُ اھیوال کاریء ُ شنگکاری ءِ سیکریٹری شاہیرہ شاہد ء ُ سینئر افسر ہوار بوتگ اَنت۔ مزن وزیر ءَ گشتگ کہ پاکستان ءِ ڈائمنڈ جُوبلی مراگش گوازینگ ءِ مول ء ُ مراد محکمیں پاکستانی راج ءِ وتی آجوہی ءِ سرءَ پھر کنگ ءِ درشانی کنگ اِنت۔ مراگش ءَ قائداعظم ء ُ علامہ اقبال ءِ لیکہ آناں پدر کنگ اِنت۔ آئی ءَ گشتگ کہ اے سال آجوہی ءِ روچ ءَ سرجمیں دنیا گیندیت کہ پاکستانی راج محکم ءُ مضبوطیں راج اِت۔ دودءُ ربیدگ، قدرتی آسراتی ء ُ وت مہ وتی مئے راستیں پجار اِنت۔ آئی ءَگشتگ کہ ڈائمنڈ جوبلی مراگش ءِبنجاہی اتحاد کلوہ، انصاف ء ُ آجوہی ءِ سرءَ پھر کنگ بہ بیت۔ حاسیں کمک کار شہزاد نواز ءَ مزن وزیر ءَ را مراگش ءِ بابت ءَ تیاریانی ہوالگءَ شونست داتگ۔
