جنوبی پنجاپ ءِ پدمنتگی ءَ را ہلاس کنگءِ ھاترءَ میگاپراجیکٹ بندات کنگ بوتگ، دری کارانی وزیر مخدوم شاہ محمود قریشی ءِ دیوان ءَ گوں تران

ملتان۔7جنوری  (اے پی پی): دری کارانی وزیر مخدوم شاہ محمود قریشی ءَ گشتگ کہ   حکومت ءِ ھاترءَ اے وہدءَ درستاں چہ مستریں چیلنج گران بہاہی اِنت  کہ ایشی ءَ را گرءُ دار کنگ ءِ ھاترءَ مزن وزیر عمران خان ءَ احساس کفالت پروگرام ءِ بندات ءَ چہ کنگ بوتگ کہ اے پروگرام ءِ ردءَ احساس راشن رعایت منصوبہ ءِ بن اِشت ایر کنگ بوتگ، حکومت ءَ جنوبی پنجاپ ءَ پدمنتگی ءِ مارشتءَ را ہلاس کنگ ءِ ھاترءَ گامگیج کتگءُ میگاپراجیکٹس ءِ بن اِشت ایر کتگ کہ آئی ءِ تہا نشتر ٹو ء ُ سب سیکرٹریٹ پراجیکٹ ہم ہوار اَنت۔ اے ھیالانی درشانی آئی ءَ گوستگیں روچءَ مزن وزیر ءِ ھاسیں کمک کار ڈاکٹر ثانیہ نشتر ءِ ہمراہ کمشنر کارگس ءَ اسمبلی ءِ باسک ء ُ ضلعی ادارگانی یکجائی دیوان ءَ گوں تران کنان ءَ کتگ۔ دیوان ءَ کمشنر ڈاکٹر ارشاد احمد،ڈپٹی کمشنر عامر کریم خاں،اراکین اسمبلی ملک عامر ڈوگر،ابراہیم خان،جاوید اختر انصاری، انفارمیشن ءِ حاسیں کمک کار ندیم قریشی، سلیم لابر، سبین گل، ایم این اے احمد حسن ڈیہڑ،واصف مظہر راں،وسیم خان بادوزئی،میاں طارق عبداللہ،ظہیرالدین علیزئی ہم ہوار بوتگ۔ دری کارانی وزیر شاہ محمود قریشی ءَ گشتگ کہ حکومت ءِ  امیج ءِ  گہتری ءِ ھاترءَ محکمہ گیش جوانیں گامگیج بہ کن اَنت تنکہ اُلسءَ را ریلیف سرکنگ بہ بیت۔ دری  کارانی وزیرءَ گشتگ کہ اُلسءَ را ریلیف دیئگ ءِ ھاترءَ جان ء ُ سلامتی کارڈ دیما آوتگ۔ جانءُسلامتی کارڈءَ 10 لکھ کلدار ءِ علاج ء ُ  معالجہ مفت ءَ کنگ بیت۔ دیوان ءَ گوں تران کتگء ُ سینیٹر ڈاکٹر ثانیہ نشتر ءَ گشتگ کہ 3 کروڑ 80 لکھ ءَ چہ گیش حاندان احساس کفالت پروگرام ءَ رجسٹرڈ بوتگ اَنت وہدے کہ 80 لکھ ھانداناں 12 ہزار کلدار ءِ کمک دیئگ  بوہگءَ اِنت۔ احساس راشن پروگرام ءِ ردءَ حاسیں سبسڈی ہم دیئگ بیت وہدے کہ 2 کروڑ ھانداناں ریلیف دیئگ مئے مول ء ُ مراد اِنت۔ ڈاکٹر ثانیہ نشتر ءَ گشتگ کہ دکانداراں درائیں وردن ء ُ وراک ءِ بہاکنگ ءِ سرءَ 8 درسد کمیشن رسیت۔