اسلام آباد۔7جنوری (اے پی پی): مزن وزیر عمران خان ءَ گوشت کہ ملک ءَ ھمک روچ 25،000 ٹن یوریا ءِ پیداوار بیت ایش مئے ضلورت ءَ را سرجم کنگ ءِ واستہ بس انت، ھما مردم مصنوعی قلت پیدا کنگ ءَ دست مانجن انت آواں گوں مھکمیں پنجگ آں گوں گر ءُ چیل کنگ بیت۔ اے ھیالانی درشانی آئی ءَ آدینگ ءِ روچ ءَ ملک ءَکد ھاسیں رنگ ءَ یوریا ءِ طلب ءُ رسد ءِ چار ءُ تپاسی ءِ واستہ دیوان ءِ سروکی ءَ کنان ءَ کت۔ مزن وزیر ءَ گوشت کہ گوستگیں سال ملک ءَ گندم ، شکر کانڈیل، پُکی ءُ مکئی ءِ ریاڑی بمپر کشار پیداک بنت ءُ حکومت ءِ کشت ءُ کشار دوستیں پالیشی آنی سبب ءَ مالی سال 21-2020 ءَ دھکان آناں 822 ارب کلدار گیشیں آمدنی در جتگ، گیشیں آمدنی ءِ نتیجگ ءَ دھکان آنی نیمگ ءَ یاریا ءِ گیش بھا زورگ بوتگ۔ آئی ءَ گوشت کہ حکومت وردنی ر کھینگ ءَ را دل یکیمی جوڑ کنگ ءِ واستہ گندم ءِ گیشاں چہ گیش پیداسوار ءِ واستہ جوانیں کچ ءُ کساس ءَ کد ءِ پجاری ءِ سر ءَ دلگوش کتگ۔ آئی ءَ توامیں سیادی داروکیں کارندہ آناں پنت ءُ شون کت کہ آ کد ءِ پروڈیوسر ءَ ھوار توامیں سٹیک ہولڈرز آنی گوما یکجائی ءَ کار بکن انت تانکہ اے سال گندم ءِ ریکاٹی پیداوار در جنگ ءِ واستہ دھکان آناں یوریا ءِ جوانیں پجاری ءَ را دل یکیمی جوڑ کنگ بہ بیت۔
