اسلام آباد۔ 07 جنوری (اے پی پی) بنجائی وزیر حوالکاری چوہدری فواد حسین پارینے کہ حکومت آجوئی صحافت آ پورو یخین تخک، سپریم کورٹ نا کوریج بھاز اہم و حساس ءُ باندات اسے ، کورٹ رپورٹرآک جوان وڑاٹ دا زمواری ءِ سرتننگ ءُ۔ داخیال آتا درشانی ءِ چوہدری فواد حسین پریس ایسوسی ایشن آف سپریم کورٹ نا پوسکن گچین مروک آ عہدیدار آتے مبارکبادی ترساپارے۔ بنجائی وزیر حوالکاری راجہ محسن اعجاز ءِ صدر و عدیل سرفراز ءِ سیکرٹری جنرل گچین مننگ آ مبارکبادی تس۔ اوپارے کہ عدلیہ غا الس نا پت ءِ ودفنگ اٹ کورٹ رپورٹنگ نا اہم ءُ کڑد اسے۔ چوہدری فواد حسین پارے کہ الس ءِ کانودی باندات و اہم عدالتی فیصلہ غاتیان آگاہی فراوان کننگ اٹ کورٹ رپورٹر آتا خذمت ستاکڑزک۔ وزیر حوالکاری و شینکاری پارے کہ صحافی تا راجی آسراتی کن گام گیج ننا عزم ءِ، صحافی تے اولیتی بنداو تیا جان جوڑی کارڈ فراوان کینہ۔ چوہدری فواد حسین پارے کہ جان جوڑی کارڈ انا کمک اٹ صحافیک تینا و تینا خاہوت کن 10 لکھ روپئی اسکان مفت درمان نا آسراتی ءِ دوئی کننگ کیرہ۔ بنجائی وزیر حوالکاری و شینکاری پریس ایسوسی ایشن آف سپریم کورٹ نا پوسکن گچین مروک آ عہدیدار آتیکن نیک است خواہی نا ہم درشانی ءِ کرے وپارے کہ اومیت ءِ کہ پوسکن گچین مروک آ عہدیدار آک صحافی تا راجی آسراتی تون اوار زموارانہ صحافت نا مون آ دننگ کن تینا کڑد ءِ ادا کیرہ۔
