اسلام آباد۔ 07 جنوری (اے پی پی) بڑزکو ایوان ءِ پاننگانے کہ ساڑی مالی سال اٹی روپئی نا قدر اٹی 10.3 درسد کمتی مسنے۔ جمعہ نادے آ بڑزکو ایوان اٹی وقفہ سوج آتیٹی وزیر مملکت پارلیمانی امور علی محمد خان سینیٹر مشتاق احمد نا سوج انا ورندی ٹی پارے کہ جون 2021ء نا ایسر آ اسہ امریکی ڈالر 157.54روپئی نا بریبرئسک ہراکہ دُوانزدہ نومبر 2021ء آ 175.73 روپئی نا بریبر مس ہراڑآن روپئی نا قدر اٹی 10.3 درسد کمتی ظاہر مریک۔ اوپارے کہ مالی سال 2021ء ٹی روپئی نا قدر اٹی 6.7 درسد ودکی مسوسس۔ ساڑی مالی سال انا اولیکو سہ ماہی ٹی کرنٹ اکاؤنٹ نسخان 3.4 ارب ڈالر ئسک ہرا تدوک آ سال انا دا مد اٹی 865 ملین ڈالر ئس۔ مئی 2019 ء آن پاکستان مارکیٹ نا بنداو آ زرمبادلہ نا کچ انا نظام اختیار کرینے۔