اسلام آباد۔6جنوری (اے پی پی): مزن وزیر عمران خان ءَ گوشت کہ پاکستان ءُ عمان ءِ نیام ءَ باز کوھنیں یکوئی است ، ایش یکجائی دود ءُ ربیدگی براتی ءُ السی روگ ءُ آیگ آنی رد ءَ انت، پاکستان عمان ءِ گوما تجارت ءُ سرمایہ کاری آنی تہ ءَ گیشی ءِ گوما مھکمیں اقتصادی یکوئی ءِ واھشت مند انت۔ اے گپ آئی ءَ ل عمانی تاجر آنی ڈل ءَ گوں تران کنان ءَ کت آواں پنچ شمبے ءِ روچ ءَ آئی ءَ گوں گند ءُ نند کت۔ ڈل ءِ سروکی عمان چیمبر آف کارمرس اینڈ انڈسٹری ءِ چیئرمین رضا جمعہ محمد علی الصالح کنگ ءَ ات وھدیکہ عمان ءَ گوں پاکستانی تاجر ھم گند ءُ نند ءَ ساڑی اتنت۔ عمان ءِ 22 باسکی ڈل ءَ مزن وزیر ءَ گوشت کہ 20 سال ءَ چہ پد اولی رند ءَ عمانی کاروباری ڈل ءُ سرمایہ کاری ءِ واستہ پاکستانی ءِ تر ءُ تاب ءَ انت۔ استیں وھد ءَ حکومت ءِ کاروبار دوستیں پالیشی سیل ءُ سواد ءِ دیمروئی، فشریز سیکٹر، دکہ ، شہر آںی تہ ءَ سٹوریج ءُ وئیر ہاوسنگ ءُ گوادر ءَ دیمروئی منصوبگ آنی تہ ءَ سرمایہ کاری ءِ واستہ جوانیں جاور پجاری کنگ ءَ انت۔ دوئیں پریک آں یکجائی واھگی کار ءُ شوبگ آنی تہ ءَ کمک ءُ وت مہ وتی تجارت ءَ را گیش ویدنگ ءِ سر ءَ تپاک کت۔
