اسلام آباد۔6جنوری (اے پی پی): مزن وزیر عمران خان ءَ اسلام آباد ءِ گران بھائیں سیکٹرز آنی سر ءَ سکاری نندگ جاہ آنی سر ءَ پبلک پرائیویٹ پارٹنر شپ ءِ بنیات ءَ کمرشل ماڑی جوٹ کنگ ءُ بے کساسیں شنگ ءُ تالانی ءِ گر ءُ دار ءِ واستہ شہری آنی ھد ءُ ابیل آنی گیشینگ ءِ پنت ءُ شون کنان ءَ گوشت کہ گریب ءُ بزگریں مردم آنی واستہ کمو نیاد ءِ گس ءِ جوڑیشت ءِ سوگند ءَ را پیلو کنگ ءَ آں۔ گس آنی جوڑیشیت ءِ واستہ انوگ ءَ تاں 38 ارب کلدار ءِ وام پجاری کنگ بوتگ۔ اے ھیالانی درشانی آئی ءَ پنچ شمبے ءِ روچ ءَ وتی سروکی ءَ راجی رابطہ کمیٹی برائے ہاوسنگ ، جوڑیشت ءُ دیمروئی ءِ دیوان ءَ تران کنان ءَ کت۔ دیوان ءَ بنجاھی وزیر ھزانگ شوکت فیاض ترین، بنجاھی وزیر اھوالکاری ءُ شنگ کاری فواد حسین، مزن وزیر آزات کشمیر سردار عبدالقیوم خان نیازی، وزیر ءِ مملکت برائے شنگ کاری فرخ حبیب، ھاسیں کمکار ڈاکٹر شہباز گل، گورنر اسٹیٹ بینک، آزات جموں کشمیر ءِ وزیر سردار تنویر الیاس، خواجہ فاروق، چیئرمین نیا پاکستان ہاوسنگ و ڈیویلپمنٹ اتھارٹی ءُ کلانہ ایں اپسرگ شریک اتنت۔
