اسلام آباد۔6جنوری (اے پی پی):آرمی چیف جنرل قمر جاوید باجوہ ءَ گوں ترکی ءِ ڈپٹی چیف آف جنرل سٹاف سیلوک برکیا ارگلو ءَ گند ءُ نند کت۔ پاک فوج ءِ شوبگ آئی ایس پی آر ءِ نیمگ ءَ جاڑی بوتگیں سرجمیں ھال آنی رد ءَ آرمی چیف جنرل قمر جاوید باجوہ ءَ گوں ترکی ءِ ڈپٹی چیف آف جنرل سٹاف جنرل سیلوک برکیا ارگلو ءَ ادا جی ایچ کیو ءَ گند ءُ نند کت۔ گند ءُ نند ءِ ساتھ ءَ دمگی سیکورٹی جاور ھال ءُ کزبی کار آنی سر ءَ ھیال ریچی کنت بوت۔ گند ءُ نند ءَ دوئیں براتیں ملک آنی نیام ءَ دیمپانی ءُ سیکورٹی ءِ شوبگ آنی تہ ءَ کمک آنی ھوالگ ءَ ھم تران کنگ بوت۔ آرمی چیف جنرل قمر جاوید باجوہ ءَگ وشت کہ پاکستان وتی براتیں ملک ترکی ءِ گوما یکوئی آناں باز ارزشت دنت۔ ترکی ءِ گوما تاریخی ، دود ءُ ربیدگی ءُ یکوئی است۔ آرمی چیف ءَ گوشت کہ اوگانستان ءَ ایمنی ءُ وت مہ وتی تپاکی ءِ واستہ گامگیج آناں ٹوھیں ارزشت ءِ دنت۔ آئی ءَ گوشت کہ اوگانستان ءَ بنی آدمی ڈکالی ءَ گوں رکھگ ءِ واستہ میاں اوستمانی برات آناں کوشست کنگ ءِ ضلورت انت۔ گند ءُ نند ءَ پریک آں دوئیں ملک آنی سلاھ بندیں ارد ءِ نیام ءَ وت مہ وتی آناں گیش کنگ ھاسیں رنگ ءَ ھیل کاری ءُ ناشرکاری ءِ شوبگ آنی تہ ءَ کمک آنی دیمروئی ءِ سر ءَ تپاک کت۔
